السلام عليكم ورحمة الله وبركاته
أولا : أحب أهنئ المدافعين في المباراة السابقه عن تحسن المستوى الملحوظ المغاير عن مباراة فريق الصرح
ثانيا : أنا بكتب لفايدة الفريق عن إيجابيات و سلبيات فريق الصرح مع التشكيله المتوقعه :-
عبدالعزيز العنزي ( حارس )
طلال العتيبي ( دفاع ) فيصل المفيريج ( دفاع )
عبدالرحمن جمال ( محور )
خالد القحطاني ( وسط ) سلطان العبود ( وسط ) مشعل الشريف ( وسط )
سلطان العبدالهادي ( هجوم ) نواف النعيم ( هجوم )
من أهم إيجابيات الفريق : 1- التسديد عن بعد .
2- الفاولات جيدين فيها .
3- سرعة التمرير بينهم والتمريرات
الحاسمه . 4- وقليلا المهاره الفرديه .
5- ولعبهم كله تحت مايلعبون فوق يعني مايلعبون أوفر كله مناولات
قصيره تحت .
من أهم سلبيات الفريق : 1- عدم إستغلالهم للركنيات .
2- إستغلالها إذا كانت دربكه ونلاحظ فالمباريات
السابقه مايرفعون الكورنر ياناولون .
3- ماعندهم ضاربين للراس كويسين ماعدا سلطان العبدالهادي .
4- لياقتهم جدا ضعيفه .
5- وسرعتهم مو مره متوسطه .
6- زي ماقلت المهاره الفرديه مقبوله نوعا ما .
7- الفريق هجومي بحت وهذا مايسهل للخصم يعني أنو هم هجوميين وبقوه فيجيب الحذر . 8- نقطة ضعفهم
المرتده الطويله .
8- ومن أهم السلبيات وألي لازم نستغلها تظهر عيوبهم في المساحات يعني بالملاعب الكبيره
مو الجلف جرين
.
سلبيات لاعبينهم : 1- عبدالعزيز العنزي : الكور الأرضيه والزاويا نادرا والرأسيه قليلا إذا ضاع و ماركز
بالكوره يدخل هدف بسهوله هو يبين إذا كان ضايع عاد مايبيلها توصيه للفريق .
2- طلال العتيبي : طبعا عارفين أنو طلال جاي من إصابه فا اللياقه منعدمه شوي والسرعه قاله وهذا شي
طبيعي فلازم أستغلال النقطه هاذي هو إذا بلحاله بالدفاع بيضيع ولا إذا الخصم ألي ضده يناولون لبعض عنده
أضمن لكم ضياعه .
3- فيصل المفيريج : ضرباته الرأسيه متوسطه
وبطئ الحركه .
4- عبدالرحمن جمال : تقطع الكوره منه بسهوله عدم قوة أحتكاكه مع الاعب .
5- مشعل الشريف : سرعته متوسطه يبني الهجمه مهارته كبيره تقطع الكوره أحيانا وميزته دقت فاولاته وتسديداته
6- خالد القحطاني : قليل المهاره تقطع الكوره منه بسهوله لمساته خطيره ويجب الحذر منها وهو ضعيف البنيه .
7- سلطان العبود : هو مايعتمد على المهاره يعتمد على اللمسه الوحده تسديده متوسط مهارته مو عاليه .
8- نواف النعيم : ضعف جسمه ضعف تسيدادته الرأسيه وقوته في رجله اليسرى .
9- سلطان عبدالهادي : جسمه قوي تسديداته قويه جدا بالرجل اليسار ماعنده مهاره رأسياته قويه وخطيره
من الآخر تبي تنهي خطورته خل واحد يمسكه يلصق فيه مايخليه لحاله مثل مايمسك عزيز نور
.
وأسأل الله التوفيق لفريق أبوعبيد
دمتم بود
أخوكم : هلالي 999 .